ഉണര്‍ന്നുപോയ്‌ ഉണര്‍ന്നുപോയ്‌ പ്രചണ്ഡഹിന്ദുപൗരുഷം
തകര്‍ന്നുപോയ് തകര്‍ന്നുപോയ് കനത്ത കാല്‍വിലങ്ങുകള്‍
അജയ്യശക്തിയാര്‍ന്നിതാ വരുന്നു ഹിന്ദു സൈനികര്‍
ജയിച്ചു കീഴടക്കുവാന്‍ ദൃഢപ്രദിജ്ഞപൂണ്ടവര്‍
ഹിമാലയത്തില്‍നിന്നെഴും സ്വതന്ത്ര ശുദ്ധവായുവില്‍
പറന്നു പാറിടുന്നു ഹാ ! പവിത്രമെന്‍ ജയധ്വജം
വിശാലനീലവിണ്ണിലാഞ്ഞുലഞ്ഞലഞ്ഞനുഗ്രഹം
ചൊരിഞ്ഞിടും കോടിക്കുകീഴണഞ്ഞിടുന്നുഭാരതം
(ഉണര്‍ന്നു)
അണഞ്ഞുപോയ്‌ രഘൂത്തമൻ ജനാന്തരംഗനായകന്‍
വനാന്തരങ്ങള്‍ തന്നിലും ജ്വലിപ്പു നവ്യശക്തികള്‍
നവീനധര്‍മശക്തിതന്‍ പടയ്ക്കുപോക്കു കാണവേ
ജയാരവം മുഴക്കിടുന്നു സ്വാത്വികാഭിലാഷികള്‍
(ഉണര്‍ന്നു)
ശ്രവിചിടുന്നു മാധവന്‍റെ പാഞ്ചജന്യകാഹളം
ധരിച്ചിടുന്നു താഴെവീണ വില്ലുമമ്പുമര്‍ജുനന്‍
കുതിച്ചിടുന്നു മുന്നിലേക്കു പാഞ്ഞു വീരസൈനികര്‍
വിറച്ചിടുന്നു ഭീതിപൂണ്ട ശത്രുസൈന്യമാകവേ
(ഉണര്‍ന്നു)
പ്രതീക്ഷപൂണ്ടുണര്‍ന്നിടും പിതാക്കള്‍ തന്‍ കിനാക്കളും
പ്രമോദമാര്‍ന്നു ഭാരതാംബ തൂവിടും വരങ്ങളും
നമുക്കുരുക്കുചട്ടയായ്‌ നമുക്കു വില്ലുമമ്പുമായ്
ഭവിച്ചിടട്ടെ പോരിതില്‍ ഗമിച്ചിടാ൦ ജയിച്ചിടാം.
(ഉണര്‍ന്നു)
