ദ്രോണർ : ഞാൻ നിന്നെ ഈ വിദ്യ ഇത് വരെ പഠിപ്പിച്ചിട്ടില്ലല്ലോ?
അർജ്ജുനൻ : അങ്ങ് പഠിപ്പിച്ചത് തന്നെയാണ്. പക്ഷെ ഇത് ചേട്ടന്റെ ഭക്ഷണപ്രിയം കാരണം കിട്ടിയ ആശയം ആണെന്ന് മാത്രം.
എന്നിട്ട് അർജ്ജുനൻ നടന്നതെല്ലാം വിവരിച്ചു.
എല്ലാം കേട്ട ശേഷം ദ്രോണർ : അറിവ് ഒരു വിത്ത് മാത്രമാണ്. മനസ്സാണ് അതിനെ വളർത്തേണ്ടത്. ഞാൻ നിന്നിൽ ഒരു നല്ല യോദ്ധാവിനു വേണ്ട എല്ലാ ഗുണങ്ങളും കാണുന്നു. ഞാൻ നിന്നെ നല്ല ഒരു യോദ്ധാവ് ആക്കും. നിനക്ക് ഞാൻ ബ്രഹ്മാസ്ത്രവും പഠിപ്പിച്ചു തരും. ഒരു യോദ്ധാവിനു രണ്ടു ശത്രുക്കൾ ഉണ്ട് ഉറക്കവും ക്ഷീണവും, രണ്ടു മിത്രങ്ങളും ഉണ്ട് ശ്രദ്ധയും കഠിനാധ്വാനവും. ആരാണോ ഈ ശത്രുക്കളെ തോല്പ്പിക്കുകയും ഈ മിത്രങ്ങളോട് കൂട്ട് കൂടുകയും ചെയ്യുന്നത് അവൻ അജയ്യനായിതീരും. അല്പസമയം അർജ്ജുനനനോട് സംസാരിച്ച ശേഷം ദ്രോണാചാര്യർ : മതി, മോൻ പോയി ഉറങ്ങിക്കോ. നാളെ രാവിലെ നേരത്തെ എഴുന്നേൽക്കണ്ടേ.
എന്നിട്ട് ദ്രോണരും പോയി കിടന്നു ഉറങ്ങാൻ ശ്രമിച്ചു. പക്ഷെ അയാളെ ദ്രുപദനെ കുറിച്ചുള്ള ചിന്ത ഉറങ്ങാൻ അനുവദിച്ചില്ല.
തുടരും…
