പരമപവിത്രമതാമീ മണ്ണിൽ

പരമപവിത്രമതാമീ മണ്ണിൽ ഭാരതാംബയെപൂജിക്കാൻ
പുണ്യവാഹിനീ സേചനമേൽക്കും പൂങ്കാവനങ്ങളുണ്ടിവിടെ,
പൂങ്കാവനങ്ങളുണ്ടിവിടെ (2)

ഇലയും ഇതളും പൂവും മൊട്ടും ഇറുത്തെടുത്തറിപ്പിച്ചീടാൻ
തലകുമ്പിട്ടുതരുമ്പൂങ്കൊമ്പുകൾ തഴച്ചുവളരുന്നുണ്ടിവിടെ
അടിമുടിസേവനവാസനവിതറി അമ്മയ്ക്കർപ്പിച്ചീടാനായ്
പലനിറമെങ്കിലുമൊറ്റമനസ്സായ് വിടർന്നീടുന്നു മുകുളങ്ങൾ
(പരമപവിത്ര..)

ഭഗത്സിംഹനുംഝാന്സിയുമിവിടെ പ്രഭാതഭേരിമുഴക്കുന്നൂ
ശ്രീനാരായണനരവിന്ദൻമാരിവിടെ കോവിൽ തുറക്കുന്നു
രാമകൃഷ്ണനും രാമദാസനും ഇവിടെ നിവേദിച്ചീടുന്നു
ഇവിടെ വിവേകാനന്ദസ്വാമികൾ ബലിഹവ്യംതൂവീടുന്നു, ബലിഹവ്യംതൂവീടുന്നു
(പരമപവിത്ര)

അവരുടെ ശ്രീപീഠത്തിൽ നിത്യം നിർമാല്യം തൊഴുതുണരാനായ്
ഇവിടെതളിരിടുമൊരൊറ്റമൊട്ടുംവാടിക്കൊഴിഞ്ഞുവീഴില്ല
അവരുടെധന്യാത്മാവവിരാമം തഴുകീടുന്നീയാരാമം
ഇവിടെവരൂ ഈ കാറ്റൊന്നേൽക്കൂ ഇവിടെഭാരതമുണരുന്നു, ഇവിടെഭാരതമുണരുന്നു
(പരമപവിത്ര)